ទាន់ហេតុការណ៍
​ចំណាយពេល​ខ្លះជាមួយ​ធម្មជាតិ​អាច​ជួយ​បំបាត់​ភាព​តានតឹង​ ​និង​ការ​ថប់អារម្មណ៍​​ - ឯកឧត្ដម ហ៊ុន ម៉ាណែត និងលោកជំទាវ បានប្រគល់ផ្ទះជូនប្រជាពលរដ្ឋចំនួន ៥២គ្រួសារ - ផ្ទះបណ្តែតទឹកបានបម្លាស់ទីឡើងគោក មិនមែនផ្តល់សញ្ជាតិខ្មែរ និងផ្តល់កម្មសិទ្ធិដីធ្លីទេ - អ្នកសារព័ត៌មានមួយរូប ត្រូវបានប៉ូលិសស្លៀកពាក់ស៊ីវិល នាំខ្លួនទៅពិនិត្យទឹកនោម - ​សម្តេច​តេ​ជោ ហ៊ុន សែន អញ្ជើញ​ប្រគល់​សញ្ញាបត្រ​ដល់​និស្សិត​សាកលវិទ្យាល័យ​ឯកទេស​នៃ​កម្ពុជា​ - នារីម្នាក់ស្លាប់ចោលប្តី និងកូន ក្រោយប្រេីថ្នាំក្រុមហ៊ុន​ យូ​ ស៊ីធី - សារៈសំខាន់ចំពោះការគេងគ្រប់គ្រាន់ - ផ្លូវល្បឿនលឿនភ្នំពេញ-ព្រះសីហនុ​ ចេញជារូបរាងបណ្តេីរៗហេីយ - ល្បែងឆ្នោត"កន្ទុយលេខវៀតណាម" ជ្រកក្រោមឆ្នោតខ្មែរមានច្បាប់ - ប្រធានរដ្ឋបាលជលផល ស្នើឲ្យប្រជាពលរដ្ឋ និងអាជ្ញាធរជួយទប់ស្កាត់ការកាប់ព្រៃលិចទឹក
0

ភ្ញៀវ​ទេសចរ​ជាតិ​ និង​អន្តរជាតិ​ រិៈ​គន់​ចំពោះ​អ្នក​វិនិយោគ​នៅ​សមុទ្រ​ឈើ​​

ខេត្តមណ្ឌលគិរី ៖​ ភ្ញៀវ​ទេសចរ​ជាតិ​និង​អន្តរជាតិ​ ដែល​បាន​ចូល​ទៅ​ កម្សាន្ត​នៅ​រមណីយដ្ឋាន​សមុទ្រ​ឈើ​ បាន​សម្ដែង​ការ​មិន​ពេញចិត្ត​ចំពោះ​អ្នក​វិនិយោគ​នៅ​ទីនោះ​ ព្រោះតែ​យក​លុយ​ថ្លៃ​ សូ​ម្បី​ក្មេង​មិន​ទាន់​ចេះ​ដើរ​ក៏​តម្រូវ​ឲ្យ​បង់លុយ​២​ពាន់​រៀល​ ដើម្បី​បាន​ចូល​ទៅ​កន្លែង​ថតរូប​អនុស្សាវរីយ៍​ ដែល​មានការ​រៀបចំ​តុបតែង​ខ្លះៗ​ពី​អ្នក​វិនិយោគ​នៅ​ទីនោះ​ ហើយ​នៅ​សមុទ្រ​ឈើ​នេះ​ដែរ​ មិនមែន​បង់លុយ​២​ពាន់​រៀល​ ក្នុង​ម្នាក់​បាន​ថតរូប​ដោយ​សេរី​នោះ​ទេ​ គឺ​ថត​បាន​តែ​ក្នុង​ទីតាំង​អនុស្សាវរីយ៍​១​កន្លែង​ប៉ុណ្ណោះ​ ប្រ​សិន​ចង់​ថត​នៅ​ទីតាំង​ផ្សេង​ ទៀត​ក្នុង​បរិវេណ​រមណីយដ្ឋាន​សមុទ្រ​ឈើ​ តម្រូវ​ឲ្យ​បង់លុយ​២​ពាន់​រៀល​បន្ថែម​ទៀត​ក្នុង​ម្នាក់​ មិន​យោគយល់​ក្មេង​ចាស់​ នោះ​ទេ​។​

​ភ្ញៀវ​ទេសចរ​ជាតិ​និង​អន្តរជាតិ​ ដែល​បាន​ចូល​ទៅ​ កម្សាន្ត​នៅ​រមណីយដ្ឋាន​សមុទ្រ​ឈើ​ បាន​ស្នើ​សូម​ឱ្យ​លោក​ ស្វាយ​ សំ​អៀង​ អភិបាលខេត្ត​មណ្ឌលគិរី​ មេត្តា​ជួយ​យកចិត្តទុកដាក់​មើល​បញ្ហា​ការ​យក​លុយ​ថ្លៃ​ ដើម្បី​ទៅ​ថតរូប​អនុស្សាវរីយ៍​ នៅ​រមណីយដ្ឋាន​សមុទ្រ​ឈើ​នេះ​ផង​។​

​គេ​សង្កេត​ឃើញ​ថា​ សម្រាប់​ខេត្តមណ្ឌលគិរី​រយៈពេល​៣​ថ្ងៃ​ នៃ​ព្រះរាជ​ពិធីបុណ្យ​អុំទូក​ បណ្ដែតប្រទីប​ សំពះ​ព្រះ​ខែ​ និង​អកអំបុក​ក្នុងឆ្នាំនេះ​ ពុំ​សូវ​ជា​អំណោយផល​ល្អ​ទេ​ចំពោះ​ដំណើរ​កម្សាន្ត​របស់​អ្នកទេសចរ​ ព្រោះតែ​គិត​ចាប់ពី​ថ្ងៃ​ទី​១០​ រហូត​ដល់​ថ្ងៃ​ទី​១១​ វិច្ឆិកា​ ពោល​គឺ​ថ្ងៃ​ទី​១​ និង​ថ្ងៃ​ទី​២​ នៃ​ព្រះរាជ​បុណ្យអុំទូក​ខេត្តមណ្ឌលគិរី​បាន​រង​នូវ​ភ្លៀង​ធ្លាក់​ជោគ​ជាំ​ ដែល​ធ្វើ​ឲ្យ​អ្នកទេសចរ​ពិបាក​ដើរ​លេង​កម្សាន្ត​ ប៉ុន្តែ​ទោះជា​យ៉ាងនេះ​ក្ដី​តាម​ការ​ស្រង់​ស្ថិតិ​របស់​មន្ទីរ​ទេសចរណ៍​ខេត្ត​ ចំនួន​អ្នកទេសចរ​ជាតិ​មាន​កើនឡើង​ដូច​រៀង​រាល់​ឆ្នាំ​ មិន​មាន​អ្វី​ប្រែប្រួល​នោះ​ទេ​។​

​ប្រធាន​មន្ទីរ​ទេសចរណ៍​ខេត្តមណ្ឌលគិរី​ បាន​ឲ្យ​ដឹង​ថា​ ៣​ថ្ងៃ​នៃ​ព្រះរាជ​ពិធីបុណ្យ​អុំទូក​ បណ្ដែតប្រទីប​ សំពះ​ព្រះ​ខែ​ និង​អកអំបុក​ ភ្ញៀវ​ទេសចរ​បាន​ចូល​មក​កម្សាន្ត​នៅ​ខេត្តមណ្ឌលគិរី​ជា​ធម្មតា​ និង​មានការ​រក្សា​សន្តិសុខ​យ៉ាង​ល្អ​ប្រសើរ​ពី​សំណាក់​អាជ្ញាធរ​ខេត្ត​។​ ហើយ​ទោះជា​មាន​ភ្លៀង​ច្រើន​ក្ដី​ ប៉ុន្តែ​ភ្ញៀវ​ទេសចរ​នៅ​បន្តដំណើរ​កម្សាន្ត​ទៅ​គោលដៅ​ទេសចរណ៍​នានា​ជា​ធម្មតា​ ដូច​ជា​រមណីយដ្ឋាន​ទឹកជ្រោះ​ប៊ូ​ស្រា​ រមណីយដ្ឋាន​អូរ​ផ្លា​យ​ ភ្នំ​ដោះ​ក្រមុំ​ រមណីយដ្ឋាន​ដំណាក់​ស្ដេច​ និង​តាម​តំបន់​ដែល​មាន​ទេសភាព​ស្រស់​ស្អាត​ជា​ច្រើន​ទៀត​។​

​ស្ថិត​ក្នុង​រង្វង់​សីតុណ្ហភាព​១៩​អង្សា​ក្នុង​ខេត្តមណ្ឌលគិរី​ នៃ​ព្រះរាជ​ពិធីបុណ្យ​អុំទូក​ មាន​ភ្ញៀវ​ទេសចរ​ជិត​ ២​ម៉ឺន​ ៥​ពាន់​នាក់​ ចូល​មក​កម្សាន្ត​ មានការ​កើនឡើង​ ៣.២១%​ ក្នុង​នោះ​ទេសចរ​ជាតិ​ មាន​ចំនួន​ ជាង​ ២​ម៉ឺន​ ២​ពាន់​នាក់​ កើនឡើង​ ៣.៤៩%​ ចំណែក​ទេសចរ​អន្តរជាតិ​មានការ​ថយ​ ១២%​។​

​សូម​បញ្ជាក់​ដែរ​ថា​ គ្រប់​គោលដៅ​ទេសចរណ៍​នានា​ គឺ​មានការ​រៀបចំ​សេវាកម្ម​សោ​ភណ្ឌ​ភាព​យ៉ាង​ល្អ​ប្រសើរ​ជូន​ ភ្ញៀវ​ទេសចរ​ ខណៈ​ដែល​មន្ទីរ​ទេសចរណ៍​ខេត្ត​ក៏​កំពុង​រក​ដៃគូ​អភិវឌ្ឍន៍​កែ​លំអរ​រមណីយដ្ឋាន​ធម្មជាតិ​ជា​ច្រើន​ទៀត​ក្នុង​ ខេត្តមណ្ឌលគិរី​ ដើម្បី​ទាក់ទាញ​ភ្ញៀវ​ទេសចរ​កាន់តែ​ច្រើន​ឡើង​ ៕

Filed in: ព័ត៌មានជាតិ

Leave a Reply

Submit Comment
Asian TV ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 0976775786 ឬ តាម Whatsapp : 0976775786 | Telegram : 0976775786 ! សូមអរគុណ !

©២០១៨ រក្សាសិទ្ធ​ដោយ​សារព័ត៌មាន អាស៊ាន ធីវី | Asian TV | ទូរស័ព្ទ៖ 0976775786 | អ៊ីម៉ែល៖ prom.chomnan@gmail.com

សហការផ្តល់ព័ត៌មាន៖ 0976775786 | អ៊ីម៉ែល ៖ prom.chomnan@gmail.com