ទាន់ហេតុការណ៍
មជ្ឈមណ្ឌលវេជ្ចសាស្រ្តឯកទេសសិង្ហបុរី SSMC បានរៀបចំសិក្ខាសាលាស្ដីពីបញ្ហាសុខភាព - ក្មេងស្រី៤នាក់នៅ វិទ្យាល័យផ្សារដើមថ្កូវ បញ្ចប់រឿងត្រឹមអប់រំធ្វើកិច្ចសន្យាសងសំណង ២ពាន់ដុល្លារ - សម្តេចតេជោ ស្នើស្ថាប័នព័ត៌មាន-អ្នកព័ត៌មាន ធ្វើជាស្ពានចម្លងការពិត រវាងរាជរដ្ឋាភិបាល នឹងប្រជាពលរដ្ឋ - សម្តេចតេជោ ហ៊ុន សែន ដាក់ចេញពាក្យស្លោក អ្នកសារព័ត៌មាន "កុំបំពានសិទ្ធិអ្នកដទៃ កុំបំភ្លៃការពិត" - អ្នកសារព័ត៌មានត្រូវបានការពារក្តីដោយមេធាវីរបស់សម្តេចតេជោផ្ទាល់ - សម្តេចតេជោ​ ហ៊ុន​ សែន​ បានប្រកាស​ថ្កោលទោស​ដាច់ខាត​ចំពោះជនណា​ដែលប្រមាថ​ដល់ភរិយា​ និងកូន​ - ម្តាយតារាសម្តែងពេជ្រ សូលីកា សម្លាប់ប្រុសស្នេហ៏ ជាស្រីដូចគ្នា ផ្តើមឡើងដោយសាររឿងប្រចណ្ឌ័ - មានការលាក់បាំង ករណីស្រូបមនុស្សម្នាក់ ចូលទុយោបូមខ្សាច់ បណ្ដាលឱ្យស្លាប់ នៅខណ្ឌមានជ័យ - អភិបាលខេត្តកំពង់ឆ្នាំង ធ្វើពិធីឡើងគេហដ្ឋានថ្មី តែទំនងជឿតាមគ្រូហោខ្លាំង - ​ទឹកឃ្មុំ​ ​មាន​រសជាតិ​ផ្អែម​បែប​ធម្មជាតិ​ ​ល្អ​សម្រាប់​សុខភាព​
0

អភិបាលខណ្ឌពោធិ៍សែនជ័យប្រគល់រង្វាន់ម៉ូតូដល់សិស្សពូកែ

រាជធានីភ្នំពេញ ៖ អភិបាលខណ្ឌពោធិ៍សែនជ័យ បានណែនាំសិស្សានុសិស្សទាំងអស់ ត្រូវយកចិត្តទុកដាក់រៀនសូត្រ ឲ្យកា្លយជាសិស្សល្អពូកែ ជាកូនល្អ និងពលរដ្ឋល្អ សំរាប់ប្រទេសជាតិ។

ប្រសាសន៍លើកឡើងបែបនេះនៅក្នុងពិធីថ្ងៃបើកបវេសនកាលថ្មី ឆ្នាំសិក្សា ២០១៩-២០២០ នៅវិទ្យាល័យចំណេះដឹងទូទៅ និងបច្ចេកទេស ហ៊ុនសែនជម្ពូវ័ន នៅព្រឹកថ្ងៃទី១ ខែវិច្ឆិកានេះ ។

លោក ហែម ដារិទ្ធិ អភិបាលខណ្ឌពោធិ៍សែនជ័យ បានលើកឡើងទៀតថា ការខិតខំប្រឹងប្រែងរៀនសូត្រ គឺជាស្ពានសំរាប់ចំលង មនុស្សនីមួយៗឆ្ពោះទៅរកអនាគតដ៏ភ្លឺស្វាង ក្នុងការស្វែងរកទិសដៅការងារល្អៗ ក្លាយជាថ្នាក់ដឹកនាំ សំរាប់ចូលរួមចំណែកក្នុងការអភិវឌ្ឍន៍សង្គមជាតិឲ្យកាន់តែរីកចំរើនបន្ថែមទៀត (ដូចពាក្យចាស់ពោលថា វិជ្ជាជាអាហារ ប្រាជ្ញាគឺជាអាវុធ) ។ លោកបានបន្ថែមថា រាជរដ្ឋាភិបាលបានធ្វើកំណែទម្រង់គុណភាព ដើម្បីសម្រិតសម្រាំងរកធនធានមនុស្សពិត ចំណេះវិជ្ជាពិត និងការងារពិត ដើម្បីអាចឆ្លើយតបបានទៅជាមួយនិងតម្រូវការអភិវឌ្ឍសង្គម។

ជាមួយនិងពីធីបើកបវេសនកាល ឆ្នាំសិក្សាថ្មី ២០១៩-២០២០ នេះ លោក ហែម ដារិទ្ធិ បានធ្វើការផ្តល់រង្វាន់លើកទឹកចិត្តជាម៉ូតូចំនួន ៤គ្រឿង ជូនដល់សិស្សានុសិស្ស ៤រូប ដែលទើបប្រលងជាប់មធ្យមសិក្សាទុតិយភូមិ សម័យប្រលងឆ្នាំ២០១៩ ដែលទទួលបាននិទ្ទេស A នៅក្នុងមូលដ្ឋានខណ្ឌពោធិ៍សែនជ័យ ។

ក្នុងនោះលោក ក៏បានផ្តល់រង្វាន់ ជាប៊ិច និងសៀវភៅ ជូនដល់សិស្សានុសិស្ស ដែលបានប្រលងជាប់ចំណាត់ថ្នាក់លេខ១ ដល់លេខ៣ ផងដែរ ៕

Filed in: ព័ត៌មានជាតិ

Leave a Reply

Submit Comment
Asian TV ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 0976775786 ឬ តាម Whatsapp : 0976775786 | Telegram : 0976775786 ! សូមអរគុណ !

©២០១៨ រក្សាសិទ្ធ​ដោយ​សារព័ត៌មាន អាស៊ាន ធីវី | Asian TV | ទូរស័ព្ទ៖ 0976775786 | អ៊ីម៉ែល៖ prom.chomnan@gmail.com

សហការផ្តល់ព័ត៌មាន៖ 0976775786 | អ៊ីម៉ែល ៖ prom.chomnan@gmail.com